Alipin ng Dagat

Sa bawat usok na makikita sa chimneya

Ay ang pag-andar ng malahiganteng makina

Sabayan pa ng mga lubid na ubod ng bigat

Hudyat na nito ang tawag ng dagat

Panibagong araw na naman ang haharapin

Mga oras na lilipas ay bibilangin

Sariling lakas ay dapat ng ihanda

Sapagkat ang karagatan ay sadyang mapagbigla

Kalyo sa kamay ay kumakapal na

Trabaho parito't paroon, halos wala nang pahinga

Mga problemang hinaharap ay agad na solusyunan

Upang sakuna sa dagat ay maiwasan

Ayan na naman ang alon

Sa kalawakan ay patalon talon

Naghahanap ng makakalaro

At ang bakal na lumulutang ang kanyang tinuro

JUVENTUPAS 040118