ni: Juven T. Tupas

Liwanag ay unti-unting dumidilin

Kasabay ng isip kong lumalalim

Hindi maipinta ang dahilan

Samo't saring emosyon ang naramdaman

Sa bawat sandaling lumilipas

Mga luha sa'king mukha'y tumatagas

Walang dahilan ang biglaang pagtangis

Kusang dumadaloy, animo'y isang batis

Nakaupo sa sulok ng kabina

Nag-iisip, nagtataka

Hindi alam ang gagawin

Sa kalagitnaan ng gabing madilim

Mga luhaang mata'y kinikisap

Panay ang punas, kurap ng kurap

Sa bintana nakatingin, mga bituin kumikislap

Eto ako ngayon nag-iisa, walang makausap

March 26, 2018

0355H

At Sea, From Mexico to Texas